Deskonfia Ligasaun Blog Politika Timor ho Partido Democratico. Asanami: Ne boatus deit.

Kopi paste husi STL::

Deskonfia Ligasaun Blog Politika Timor ho Partido Democratico. Asanami: Ne boatus deit.

Ikus-ikus ne blog ho naran Politika Timor ho URL http://politikatimor.blogspot.kr/ nebe indika katak rejista iha nasaun Korea du Sul konsege sai heboh iha media eletronika ho notisia oioin.

Blog ne sita estatementu husi lider masimu partidu balu liuliu husi FRETILIN, CNRT ho PLP. Komesa husi deklarasaun oioin husi Camarada Mari Alkatiri ho Camarada Jose Reis, to fali liafuan manas balu husi Maun Boot Kayrala Xanana Gusmao nebe hatun Ex Presidente Taur, to fali Taur nia resposta, statementu sira ne mesak manas deit.

Problema bot ida nebe leitor sira enfrenta mak statementu sira nebe blog Politika Timor publika mesak inventa deit alias falsu. Autor blog ne inventa statementu sira ne ho objetivu saida ita lahatene. Maibe konsekuensia ida husi blog ne mak kria situasaun manas iha politika railaran hodi halo lideransa nasaun nian diskonfia malu.

Tuir observador politika Joao Soares, iha tempu eleisaun blog sira hanesan ne bele fo kontribuisaun positivu no mos negativu.

"Dlaruma autor ne so hakarak deit hetan atensaun ba nia an rasik. Nia laiha agenda seluk maibe gosta hare ema temi nin blog." Maibe tuir observador ne, bele mos iha partidu balu husi kotuk atu tenta kapitaliza husi situasaun nebe blog ne kria.

Joao Soares nebe observa lalaok blog ne desde nia halo posting dahuluk (pertama -red) to agora, nota tan katak tuir nia hare blog ne fokus deit ba figura nasional nain 3 ho sira nia partidu. "Autor hakarak kria tensaun entre figura nain tolu mak hanesan Xanana, Taur ho Alkatiri. Se sira nain tolu han malu, tensaun entre sira nia partidu, se mak sei manan?" Tenik Joao Soares.

Peritus ka ahli ICT nian husi Partidu PLP nebe lakohi fo naran hatete katak blog ne orijin husi Korea do Sul. Peritus ne dehan katak nia halo investigasi ba trafik iha blog ne hatudu katak barak liu mak mosu iha Korea do Sul. Tuir nia ida ne rajoavel tanba se ema ne iha Dili laran ka iha Timor laran entaun la difisil atu deskobre tamba ita ne rai kik jadi ita kuinese malu. Tamba ne mak diak liu entrega ba sira iha nasaun seluk mak halo nia esplika.

Maibe Timor oan iha Korea do Sul ladun barak no la konhese didiak partidu saida deit mak agora mosu iha Timor atu kompete iha elesaun.

Tuir Joao Soares, sira so kuinese deit mak figura nasional no partidu bot sira hanesan Fretelin, CNRT, PD no PLP. "Tida mungking sira Fretelin ka CNRT ka PLP mak kaer blog ne. Jadi hau diskonfia sira PD karik tamba to oras ne mais ke ita hatene katak PD sira mak kaer hamutuk governu desde 2007 to 2017 blog ne la mensiona lideransa PD nein ida" Tenik observador politiku nebe haknaar iha NGO internasional.

Presidente PD Mariano Asanami Sabino

"Mariano Asanami Sabino rasik agora iha hela investigasaun kriminal. Tansa mak blog ne la temi ida ne? Ne tamba blog Politika Timor ne obra PD nian." Joao Soares hatete.

Kona ba deskonfia katak militante Partidu Frenti Mudansa mos bele halo hanesan, observador ne hatete katak militante Frenti Mudansa laiha kapasidade ba buat ida ne no la iha interese. "Imi pursija hare didiak se mak imi tau iha Korea du Sul neba." Observador ne hatete ho hamnasa.

Atu responde ba diskunfia sira ne ami tenta kolia mos ho presidente PD Mariano Sabino. Responde ba akujasaun ida ne Presidente PD Asanami hatan ho hamnasa dehan ne hanesan rumor deit. Asanami realsa tan katak agora ne PD konsentra deit ba programa partidu nian ba tinan lima oin mai.

"PD rejekta kualker ligasaun ho blog Politika Timor tanba ne hanesan boatus deit." Asanami husu ba militante no lideransa partidu hotuhotu atu respeita PD no hapara ho akujasaun kona ba blog Politika Timor.

Asanami mos aproveta oportundiade ne hodi dehan katak “Dr. Mari Alkatiri dala ruma gava an dehan ZEEMS ne’e maka modelu dezenvolvimentu ne’ebé atu implementa iha munisipiu seluk maibé Dr. Mari haluha tiha katak modelu investimentu ZEEMS ne’e la sustentável e PD sei hamosu programa nebe bele lori povu husi munisipiu hotuhotu ba desenvolvimentu.” (res)

Padre MG komete krime saida nian mak ne???

Belun sira. Se mak berhadapan hela ho juis atu hatan ba kaju krime pekulatu ho kumplisidade? Hahahaha.......

 

 

Tansa susar halakon LPV? Husu ba Dona Isabel Ferreira

Kopi-paste husi blog Politika Timor

PLP KONTRA PENSAUN VITALISIA, XANANA: SRA. ISABEL LA KONTRA!

Manufahi, 23 Junu 2017

Partidu Libertasaun Popular nia tópiku prinsipál ida ba kampaña eleisaun parlamentár 2017 maka Lei Pensaun Vitalisia. PLP kontra lei pensaun vitalisia tanba konsidera la justu no sei fó pezu ba orsamentu estadu tinan-tinan.  

Tuir observasaun mídia ida ne’e nian hatudu katak iha komísiu PLP ne’ebé Prezidente PLP hato’o sempre toka kona-ba LPV, inklui ekipa susesu PLP nian iha mídia sosiál mós lansa issue LPV nudár matéria kampaña atu hatún partidu sira hanesan CNRT, FRETILIN, PD no F. MUDANSA.

Aléinde atu hatún partidu sira seluk ne’ebé aprova Lei Pensaun Vitalisia, ekipa susesu PLP nian mós uza issue LPV atu dada votante sira.

Relasiona ho issue LPV ne’e, Prezidente Partidu CNRT responde katak Lei Pensaun Vitalisia ne’e PLP maka kontra maibé Sra. Isabel Ferreira nudár eis primeira dama la kontra.

“Sra. Isabel nudár sekretária ba NGO ida ne’ebé nia lidera husi kotuk husu ba Governu kona-ba osan vitalisia hira maka sei hetan, tanba dehan nia atu uza osan refere ba suporta atividade NGO ida.” Deklara Prezidente CNRT Xanana Gusmao.

Xanana Gusmao kestiona: “pergunta maka ne’e, se koalia kontra Pensaun Vitalisia tanba sá maka husi kotuk ezije fali osan? Se Sra. Isabel servisu duni iha NGO tanba sá presiza fali kompensasaun husi fundus pensaun?”

Tanba ne’e tuir Prezidente CNRT ne’e katak PLP nia ema rasik maka kontra fali polítika Partidu Libertasaun Popular nian kona-ba Lei Pensaun Vitalisia.

“Nudar Taur Matan Ruak nia kaben, atus Sra. Isabel nian ne’e sera que la kontradís ho sira nia polítika?” Xanana Gusmao konklui ho pergunta.

Tuir oráriu kampaña nian Partidu CNRT sei hala’o kampaña tuir mai iha Postu Administrativu Maubisse, enkuantu PLP sei hala’o kampaña iha Munisipiu Manufahi, Postu Administrativu Same villa.

*red-ll-end*

Sinal ladiak husi partidu foun balu!!!

TMR LA UKUN SEI MOSU FUNU, XANANA: ATU FUNU HO SE?


Ainaro, 22 Junu 2017

Durante kampaña polítika iha Munisipiu Ainaro, militante CNRT levanta kestaun kona-ba ekipa PLP ne’ebé oras ne’e tama sai uma halo propaganda katak bainhira TMR la kaer ukun maka sei mosu tan funu iha Timor-Leste.
Tuir militante CNRT ne’e katak ekipa PLP nian tama sai hodi dehan katak TMR nudár jenerál durante tinan 24 iha ai laran to’o ona tempu atu nia maka kaer fali ukun iha rai Timor ne’e.

Militante Manuel Araujo husu pergunta ba Prezidente P. CNRT nune’e: “Agora ekipa Maun Taur nian tama sai bairu dehan katak se Maun Taur la sai Primeiru Ministru entaun sei mosu tan funu iha Timor tanba nia maka uluk jenerál tinan 24 iha ai laran ne’e duni Maun Taur tenke sai Primeiru Ministru, ida ne’e halo ami militante sira ta’uk no preokupa, oinsá Maun Bot nia resposta ba situasaun ida ne’e?”

Hatán ba preokupasaun ida ne’e Prezidente P.CNRT Xanana Gusmao hateten katak Taur Matan Ruak funu maka tinan 24, la’ós jenerál maka tinan 24.

“Se Taur dehan nia jenerál tinan 24 iha ai-laran entaun durante ne’ebá estratéjia saida maka nia halo?, ita labele haluha katak ita duni sai Indonézia la’ós ho kilat maibé ho polítika.”Xanana Gusmao responde ba militante sira.

Xanana Gusmao haktuir tan katak hafoin ukun an maka Taur Matan Ruak sai jenerál iha F-FDTL nian laran. Xanana Gusmao hatutan: “Iha tempu ukun an Taur Matan Ruak sai jenerál halo polítika bot tebes hodi duni sai tiha Forsas Militar hamutuk um tersus membros, ida ne’e akontesimentu úniku iha ASIA, ikus mai CNRT maka tenke rezolve, ne’ebé hatene an ba, tau dirilah.”

Entretantu responde ba povu Ainaro nia preokupasaun kona-ba sei mosu funu se karik Taur Matan Ruak la kaer ukun, Xanana Gusmao fó garantia katak sei la iha funu. Prezidente Partidu CNRT ne’ebé iha tempu rezisténsia asume kargu nudár Komandante Supremu FALINTIL husu ba povu atu hakmatek no husu ba Taur Matan Ruak atu konsidera preokupasaun povu nian ida ne’e.

“Jeneral Taur Matan Ruak favor hare to’ok ba, atu funu tan ho se? Povu terus barak los ona.” Hameno Xanana Gusmao hodi remata diskusaun ho militante sira.

Tuir oráriu kampaña nian, Partidu CNRT sei hala’o kampaña iha munisipiu Manufahi no liubá Maubisse. Tuir observasaun mídia ida ne’e nian, kampaña CNRT nian la’o ho hakmatek no hetan partisipasaun másimu husi militante CNRT nian husi postu administrativu sira iha Munisipiu Ainaro, menus husi postu administrativu Maubisse.


*red-ll-end*

Populasaun lamenta ho dejenvolvimento ZEESM

Povu Oecusse-Ambeno lamenta dezenvolvimentu ZEEMS.

 Iha loron 10 fulan Junhu Presidente Lu Olo ofisialmente loke ponte Noefefan iha mota Tono, enclave Oecusi.

Ponte Noefefan nebe presidente autoridade ZEESM (website) Dr. Mari Alkatiri destaka hanesan projetu ida ho kualidade masimu iha nasaun hetan apresiasaun makas husi ema barak. Maibe ita mos rona ema lamenta katak iha povu lokal la satisfeitu ho ponte Noefefan no projetu sira seluk husi ZEEMS.

Ponte Noefefan difikulta povu kik nia moris. Hakur mota mak diak.

Tanba ida ne depois serimonia abertura ba ponte Noefefan ami tun ba terenu hodi entervista komunidade lokal kona ba projetu ZEESM hanesan ho ponte Tono, eletrisidade, roahi Haksolok, estrada foun, aviaun ZEESM nsst. Ami hetan lamentasaun barak hanesan tuir mai.

Sr. Okto husi Citrana dehan katak desenvolvimentu halo povu susar. Povu toman ho moris nebe hanesan tradisional no kiak. "Ida ne mak povu nia moris. Agora lori fali dejenvolvimento ho ponte, estrada, ho ahi, ne atu halo saida? Ne halo ami susar tan mak iha" lamenta Sr. Okto. Nia mos hatutak katak ponti Tono laiha benefisiu tamba lao hakur mota mos hanesan deit maski difisil ituan liuliu durante tempu udan.

Komunidade lokal prefere hakur mota Tono duke uja Ponte Noefefan.

Iha fatin seluk Sra. Terejina nebe agora uma kain hetan ahi 24 oras hatete katak agora sira tenki hader to kalan bot mak foin toba. Problema mak eletrisidade halo ahi naroman kalan to loron halo sira toba ladiak. "Uluk ne tuku 6 deit ami toba ona tamba rai mos nakukun ona. Dalaruma ami sunu lilin mak ami bele hader to tardi. Agora kalan ona ami kole mais ami labele toba. Labarik sira hakarak loke ahi para estuda ga halimar ga nonton. Ami kolia ona ho partidu balu para sira manan karik atu taka buat ida iha Sakato ne para ami bele moris fali hanesan uluk," tenik Sra. Terejina.

Sentral Eletrika Inur Sakato. Lori ahi 24 oras atu halo ema la toba.

Lamentasaun barak mak mai husi populasaun iha Pante Makasar liliu joven sira. Adolfu nebe lorloron joga bola iha tasi ibun ho nia belun sira dehan katak agora ema hotu hotu buka mak kampu desportu deit. Tasi ibun ema la joga tan ona ne duni nia tristi ho desenvolvimento ne.

Kampu desportu foun hafahe joven sira nebe biasa joga bola iha raihenek.

Iha nia sorin, nia kolega ho naran Elisa dehan katak estrada foun iha Pante Makasar ne halo nia la konhese ona ninia aldeia. Hau gosta mak Pante Makasar hanesan uluk ne maun, nia dehan. "Uluk ne rai rahun barak, estrada taka ho rai henek deit, maten no ami moris hanesan ami nia bei ala sira. Agora ne desenvolvimentu ne estraga deit pemandangan." Nia dehan katak povu la prusija estrada ka listrik ka ponti tamba povu toman ona moris iha kiak no terus. "Ida ne mak ami toman e ami hakarak. Moris kiak no terus hanesan Atoni oan," feto ho tinan 19 ne hatete.

Povu Oecusse-Ambeno lakohi dejenvolvimento tanba hakarak kontinua moris ho kiak.

 Ami nia ekipa mos kolia ho representante NGO balun iha Oecusse. Sr. Carlos nebe kaer NGO halo monitoring ba desenvolvimento dehan katak povu Oecusse la presija estadu ga ZEESM lori desenvolviment mai tanba NGO barak mak halao ona knar ida ne. "Eletrisidade? Ne la pursija. Povu simu ona solar sel ho petromas husi NGO to ona. NGO mos mai hanorin ona povu hanusa mak bele utilija be iha mota Tono halo irigasaun ka ba uja uma laran. Iha 2009 ami fahe jeriken ba uma kain lubuk ida, ne la pursija ZEESM," nia tenik. Tuir Sr. Carlos, jerikan deit naton ona. Povu mos depende ba udan ben atu halo irigasaun, ne duni barajen Tono ne la lori benefisiu mais atu halo despeja mak barak.

Solar sel NGO fahe ne naton ona. Oecusse la presija sentral eletrika.

Ami hato lamentasaun sira ne ba iha autoridade ZEESM nian. Reprejentante autoridade ZEESM Sr Arnsenio Bano dehan katak nia ladun fiar buat nebe nia rona tamba imposivel. Nia dehan desenvolvimentu mak ita hare rasik ho matan. Nia hatutan katak sei lori tempu ba povu atu apresia dejenvolvimetu ZEESM. "Ami halo ponte, sira dehan sira hakarak hakur mota deit. Ami loke ospital, sira dehan sira hakarak aimoruk Timor mak diak liu. Ami loke ahi 24 horas, sira dehan sira uja ona petromas NGO nian ho solar sel ne to ona. ZEESM hakarak dejenvolve sosial ho ekonomia merkadu iha fatin ida ne maski iha resistensia ituan. Mais hau konfia katak ho tempu, sira sei simu desenvolvimento. Ho tempu sira sei hare katak uja ponti diak liu duke hakur mota," Bano esplika.

Bano: Lori tempu atu povu hili uja ponte.

Ami dada hela lia ho Sr Bano, representante NGO balu nebe servisu ho veteranu sira mosu mai hato keixa dehan veteranu balu hakarak sae aviaun ba Dili. Sira lakohi uja ro Nakroma tanba roahi ne lori tempu naruk atu to Dili. Reprejentante NGO ne hirus los Sr. Bano ho ZEESM tanba sosa aviaun hodi halo ligasaun Oecusse ho Dili. "Nakroma mak diak liu. Kelur maibe seguru. Ita sae aviaun bele halo veteranu sira ne hetan ataka kurasaun depois se mak responsablija?" Tenik reprejentante NGO ne.

Aviaun ZEESM haterus veteranu nebe tuir lolos uja deit ro Nakroma.

Dejenvolvimento Oecusse tuir modelu ZEEMS halo ema barak mak preokupa. Iha elesaun ne partidu kik balu sei uja ZEESM atu halakon Dr. Mari Alkatiri ho FRETILIN nia kredibilidade. Mariano Asanami Sabino, SEKJEN Partido Democratico hatete katak ZEEMS ne folin laiha. Iha tinan rua nia laran ZEEMS la produs buat ida kompara ho Mariano Sabino nebe dejenvolve agrikultura iha tinan 7 nia laran.

Mariano Asanami desenvolve agrikultura hodi hamenus produtividade.

Dejenvolvimento iha Rai Oecusse-Ambeno sei depende makas ba eleisaun ida tuir mai ne. Hanesan ahi observa, Povu Oecusse-Ambeno lako ZEESM tanba la lori benefisiu maibe lori tan difkuldade ba povu lokal. Povu Oecusse-Ambeno rasik mak sei hili entre dejenvolvimentu ho ZEEMS nebe lori deit susar, ka hili ZEESM atu kontinua halo rai Enclave ne sai rai modernu no dejenvolvidu.(SKS).

Autor ZEESM Dr. Mari Alkatiri dadalia ho ketua adat Oecusse.

(Versaun orijinal publika iha Timor Post 15 Junho 2017)

Kontratu adviser ba Ex Primeira Dama, Dona Isabel Ferreira. Kontratu balas jasa?

Foin daudauk kontratu husi Ministro da Edukasaun Antonio Conceicao ba Dona Isabel Ferreira ba posisaun Asesora ka adviser sai sensasi iha publiku. Iha kontratu ne ex Primeira Dama, fen kaben husi presidente PLP no ex Presidente Taur Matan Ruak, simu kargu hanesan conselheira ba Ministro Antonio da Conceicao.

Dona Isabel Ferreira ema ida aktivu iha Partido Libertasaun Popular ka PLP no mos hanesan fundadora ba PLP. PLP nia programa mak anti LPV, anti korupsaun, anti privilegio, anti buat barak tan. PLP ho Sr. Taur nia hakarak mak fahe oportunidade hanesan no fahe rikusoin hanesan.

Maibe kontratu Dona Isabel nian atu servisu ho Ministro Antonio da Conceicao hatudu katak PLP ne garganta deit. Husi oin dihan ida maibe husi kotuk...... halo fali buat ida PLP ka Sr. Taur kolia kontra makas.

Kontratu ba Dona Isabel Ferreira. Ada apa dibaliknya? Hanya sesuatu kontratu ga ada politika balas jasa?

Ida ne ita pursija kolia ga buka resposta. Karik Dr. Aderito Soares, ex comisario CAC, bele esplika durante kampanya ba militante ho simpatijante PLP nian se kontratu ne kontra karik leis ga normas balu? Kontra espiritu anti-corrupsaun? Dr. Aderito Soares mak presidente komisaun politika PLP nian, pasti iha resposta ruma.

Tanba..... se ita hare didiak, kontratu entre Ministeiru da Edukasaun ho Dona Isabel Ferreira mak hanesan tuir mai:

Kontratu adviser hodi sosa suporta politika?

Ministru da Edukasaun Antonio Conseicao fo kontratu ba Dona Isabel Ferreira iha loron 1 Janeiru 2017 (hare iha okos). Iha loron 2 Fevreiru, ministru Antonio da Conceicao lansa ninia kandidatura ba presidente RDTL 2017-2022. La kleur deit kandidatura ne mos hetan apoia husi PLP ka Partido Libertasaun Popular. Dona Isabel Ferreira mak sai jurkam ba Ministro Antonio da Conceicao. Ne iha  mninimu iha ona konflitu de interese.

Klaru katak ita labele deskonfia PLP ho Dona Isabel Ferreira fo apoia ba Ministru Antonio ne hanesan kaju korupsaun. Ministro Antonio Conceisao uja osan povu nian hodi selu Dona Isabel Ferreira sai nia asesora. Dona Isabel Ferreira ho PLP apoia Ministro Antonio nia kandidatura ba presidente RDTL 2017-2022. Ita labele hare ida ne hanesan Dona Isabel Ferreira selu Ministro Antonio nia favor ka balas jasa.

Klaru katak Ministro Antonio la'os uja osan povu nian sosa Dona Isabel ho PLP nia suporta ba nia kandidatura. Kontratu ho osan montante total $32.000,000 USA durante fulan 8, atu selu Dona Isabel Ferreira, Primeira Dama RDTL, ba servisu apoia Ministro Antonio Conceicao iha ministeiro da edukasaun. Ida ne laiha buat ida mak sala. Dona Isabel Ferreira ho PLP suporta Ministro Antonio da Conceicao ne hanesan desijaun politika ida nebe foti sein influensia husi kontratu servisu adviser entre Ministro Antonio da Concecao ho Dona Isabel Ferreira. Ministro Antonio la uja povu nia osan hodi sosa Dona Isabel ho PLP nia suporta. Dona Isabel Ferreira la simu osan povu nian nudar politika balas jasa.

Ita hotu espera katak ida ne mak los!!!

Dr. Aderito Soares ho Presidente PLP Taur Matan Ruak (klaran)

Vota ba "Kalohan" tanba?

Ministro. Hau nia salario fiulan Janeiro ho Fevreiru bainhira los mak tama rekening?

Ita tenki koalia kona ba Sr. Taur Matan Ruak nia uma iha Metiaut

Imi hatene hau hela iha nebe? Palacio Metiaut.

Ita presija kolia kona ba eis Presidente Taur Matan Ruak nia uma. Nia Palacio. Nia uma mutin bot iha Metiaut. Tamba sa labele?

Iha Dili laran eis guerillheiro ida nebe mak iha uma bot no rikeja hanesan Sr. Taur nia uma? Se tan mak iha Dili iha uma bot hanesan Taur? Maun Xanana? Maun Lu? Sr. Jorge Serano? Sr. Nilton Gusmao? Oscar Lima? Lae. Laiha ema ida.

Tanba ne mak ita persija kolia kona ba Sr. Taur Matan Ruak nia uma. Se Sr. Taur ema babain ida karik ne oinseluk. Maibe tamba Sr. Taur ex presidente no iha potensia bot atu kaer VII governo constitusional, ita presija kolia duni.

Sr. Taur Matan Ruak kolia atu fahe rikeja hanesan, fahe oportunidade hanesa. Nia kontra LPV. Nia hakarak halakon korupsaun. Nia kontra privilegio bobot ba lider sira. Nia kontra hotu kedas. Nia hakarak hisik kosar, katak tenki servisu mak bele hetan moris diak. Maibe Sr. Taur mos hisik kosar ka lae?

Belun sira. Sr. Taur nia uma ne bot duni. Uma ne bot duni mak husi Atauro mos ita bele hare hetan.

Iha sirkulu mean ne mak Taur nia uma hateke husi. Sr. Taur nia uma mutin iha rai leten ita hare mos los. Bainhira ita halo zoom in ba foto ne ita bele hare mos liu tan uma ne.

Uainhira ita tama Dili ho ro Sr. Taur nia uma mak dada liu ita nia matan. Uma mutin, bot, furak, iha foho leten, hateke mai kapital Timor-Leste, hanesan Liurai Bot hateke ba nia reinu. Sr. Taur baibain dehan nia ne ema kiak. Lohi karik.......... Ema kiak ida bele iha uma hanesan fali Palacio?

Tansa imi husu, ita tenki koalia kona ba Taur nia uma? Tanba Taur sempre hatudu an nudar ema ida humilde, ema ida honesto, servisu nain, laran mos, hakarak dezenvolve Timor-Leste, hisik kosar ba povu nia moris diak.

Karik ho uma luxu ne Sr. Taur hakarak fo ijemplu ba povu sira, se Taur bele, imi mos bele?

Tansa o labele? Taur hatudu ona dalan katak iha Timor-Leste buat hotu posivel. Se o hakarak halo uma ida bot liu Palacio Nobre iha rai ida ne o mos bele. Hisik kosar ba moris diak, bele hela.

Taur servisu makas. Tan ne mak iha tinan 5 nia laran nia bele rai osan naton hodi halo uma bot ida hanesan ne. Iha tinan 2015 nia sei hela deit iha tenda okos uainhira nia hisik tiha kosar husi F-FDTL hodi buka moris hanesan sivil.

Iha Bucoli, Taur deklara katak nia ema kiak maski funu 24 anos iha ailaran. Estadu atu fo uma ba nia, nia dehan nia moe atu simu. Nia ho nia fen hakarak dada lona deit. Se labele, entaun ba aluga.

Taur koalia hanesan mnia ema nebe buat ida laiha. Karik los tanba hanesan komandante F-FDTL nia salariu kik oan hela atu iha uma ida naton? Nia dehan jeneral ida beik liu mak nia. Funu tinan 24 nia laran para ikus mai buar ida laiha. Fitun ida deit inkuantu ema seluk hetan fitun 4. Tebes duni ka?

Iha minutu 1:20 iha video ne Taur deklara ba publiku katak nia uma laiha. "Hau dehan hau nia ferik oan. Dada tenda! Se laiha (tenda), aluga," tenik Taur Matan Ruak ba ema hotu rona iha Bucoli, Baucau.

Iha 2015 Sr. Taur dehan nia uma laiha. Iha 2017 Sr. Taur Matan Ruak ex presidente, ex paunlima F-FDTL, hela iha Palacio Metiaut. Tan ne mak ita tenki koalia hodi husu, osan halo uma bot ne mai los husi nebe?

Taur hisik kosar makas ba moris diak. Se tan mak lakohi tuir Taur nia dalan? Maibe dalan ida nebe nian lai. Tan ne mak ita tenki husu liuliu tamba Sr. Taur iha potensia atu kaer governu nudar PM.

Ida ne ita sedauk kolia tan kona ba privilegio sira nebe nia hetan. Estado loke estrada to nia uma no taka ho alkatraun. Dada elektrik to nia uma. Ne privilegio bot ne. Kusta estadu osan hira? Sr. Taur kolia kona ba privilgio ba deputado sira no ba ministro sira. Tambasa Sr. Taur la koalia kona ba privilegio nebe nia rasik hetan? Tanba sa mak Sr. Taur la husu estadu halo uluk estrada ba komondade sira iha suku Metiatu antis husu privlegio ba nia? Hetok Sr. Taur hatudu liman ba ema maibe liman fuan hat se fali ba nia an.

Ita mos sidauk kolia kona ba Dona Isabel Fereira ex primera dama nia kontratu ho estado atu sai asesora. Iha kontratu balu lorloron Dona Isabel asina deit absensi maibe la marka prejensa maibe ba halo fali kampanya ba ministru balun nebe fo kontratu ba nia. Karik Dr. Aderito Soares ex comisario CAC bele espilka? Ida ne sei iha posting ida seluk :) (CKB)

Fahe oportunidade hanesan maibe fahe uluk ba hau nia alin

Eis presidente Taur Matan Ruak harii partidu foun PLP ho slogan ida nebe laiha ema ida mak bele rejeita: fahe rikusoin hanesan, fahe oportunidade hanesan. Taur dehan nia baruk ona ho situasaun ohin nian.

Fahe oportundiade hanesan? Karik oportunidade ba uluk maun Taur nia familia tanba maun Taur nia alin rasik, Sr. Francisco Vasconselos, tama iha lista PLP No. 11. Kontribuisaun saida los selain tamba nia Taur nia alin?

Nia (Francisco) bele lori masa hira ba vota PLP? Karik nia lori masa barak liu Sr. L4 veteranu iha luta armada iha urutan 17? Parese Sr. Francisco Vasconselos nia direitu tanba nia presidente PLP nia alin. Ida ne'e mak oportundiade hanesan? Taur presiza esplika.

Ida ne tuir lolos la sai kestaun ida. Maibe tanba Maun Taur Mata Ruak dehan oportundiade hanesan entaun nia mak tuir lolos hatudu. Se lae ne garganta deit. Anti ida ne ho ida neba mais nia rasik ma pro hela ida ne ho ida neba.

 Taur Matan Ruak mos temi fahe rikusoin hanesan. Maibe ba ema ida nebe mak tuur iha palacio privadu bot liu iha railaran tomak, nia tenki hatudu  oinsa atu fahe rikusoin ne. Karik fahe uluk ba nia? Ida ne'e sei iha posting tuir mai!

Xanana nia resposta ba "boatamak" Taur Matan Ruak

Taur ho PLP ba halo kampanya dehan Maun Bot Kayrala Xanana sei suporta nia ba PM iha VII governu konstitusional. Hatan ba ida ne Maun Bot Xanana dehan nia (Taur) "bulak".

Estratejia ne atu lohi povu dehan, primeiru, Xanana iha relasaun diak ho Taur, segundu, Xanana sei suporta Taur atu lidera governu. Durante ne Taur ho PLP mesak mak espalha informasaun ida ne iha Xanana nia kotuk.

Ikus mai jornalista sira husu Xanana se nia (Xanana) suporta duni Taur ka lae. Xanana responde katak ne Taur mehi deit. Primeiru tanba Xanana mak primeiru iha lista CNRT nian ne duni Taur nia steitementu katak laiha lider ida mak sei asumi kargu PM husi CNRT ne bosok.

Tuir fali Xanana hatete momos deit katak nia kontinia la simu Taur bolu nia Suharto.

Bainhira jornalista sira husu kona ba ninia relasaun ho Taur, Xanana refere fila fali ba polemika Taur bolu nia Suharto. Ho piadas oioin Xanana dehan katak hanesan Suharto, nia labele hasoru ho jeneral bot sira.

Kona ba Taur nia steitementu katak Xanana sei apoia nia ba kargu PM, Xanana desmente kedas. Xanana dehan, "uluk hau apoia nia sai presidente, nia bolu hau Suharto. Agora hau nia apoia nia sai primeiru ministru, nia atu bolu tan hau saida?"

Xanana hatutan tan katak nia laos Taur nia maun tanba nia Suharto.

Durante entrevista ne Xanana refere ba Taur ho liafuan "boatamak", nebe hanesan desrespeitu bot ba ema nebe kaer ona kargu hanesan komandante FALINTIL, komandante F-FDTL, ikus mai presidente da republika.

Xanana nia relasaun atual ho Taur ita hare momos kedas durante entrevista ne. Kompanheiru da luta nebe hamutuk iha ailaran iha tinan barak, ikus mai fahe malu tanba deit alin nia arogansia hodi bolu maun, Suharto.

Ba ema nebe mak dedika nia vida ba liuta kontra Suharto, ate ajuda tan povu Indonesia hodi hatun Suharto, bainhira xefe estadu mak dehan fali nia Suharto, ne sei halo nia laran moras makas. At liu tan mak xefe estadu ne hanesan nia alin be nia hakiak husi kik to sai presidente.

Nune Xanana nia mensajen ne mos hakarak hatudu ba ema hotu, liu liu ba Sr. Taur Matan Ruak, katak lori nia (Xanana) mak Taur sai netik ema ruma. Ho goza, piadas no desrespeita, Xanana aviza Taur atu hatene nia fatin.

Husi ne ba oin, se Taur iha moe karik, nia lalika temi tan Xanana nia naran ka bolu Xanana maun. Agora Taur nia maun laiha ona tanba Taur rasik tenta sama nia maun nia ulun.

Husi ne ba oin, se Taur sei iha respeitu ituan ba nia maun Xanana, Taur presiza halo reflesaun ida profunda no komesa pratika ituan humildade.

Sai ona presidente ne pontu altu iha ninia kareira, tanba nia sai ona aman ba nasaun, hetan ona respeitu husi nasaun tomak. Maibe Taur tenki hatene nia fatin se nia konsidera nia an Xanana nia alin. Alin sira tenki nafatin respeita maun sira, biar nia  konsidera maun sira beik, kiak, fraku, ka politikamente inferior. Se lae Taur nia legadu tomak sei kose tun ba rai.

Politica ne'e arte ida ema halo negocio

Politica ne arte ida duni. O bele dehan Xanana hanesan Suharto mais empre iha posibilidade Xanana konvida nafatin o ba tur iha kadeira hanesan Ivo Mateus esplika:

Autoria: Ivo Mateus Gonçalves

Hau la compriende dehan 'politika ida tabele malu ne'e.'

Maun TMR, sai Presidente mas sem partidu. Se maka dudu no suporta nia sai Presidente? Xanana Gusmao. Ne'e mos ba segunda volta maka foin ganha vitoria. Se Maun TMR maka iha partidu rasik iha tempo ne'e ba karik, hau fiar nia bele manan iha primeira volta.

Doutor Rui Araújo, sai PM. Karik nia tabele ba Xanana Gusmao ba cargo refere? Hau sente lae, maibe liu husi konsensu politiku ida katak konstrusaun de estado ne'e mas importante liu interese pesoal no grupu. So ema hanoin luan maka bele hanoin to'o iha ne'e ba. 

Mas to'o ikus ema fo salah ba Fretilin. 'Balun dehan lakon ona mos moe laiha, ema bolu ba nafatin.' Hau sente hirak ne'e be koalia hanesan ne'e, sira la hatene saida maka arte husi negosiasaun politika.
Hau sente Doutor Rui Rui Araújo no Fretilin 'la tanis' ba cargo ida PM ne'e.

ZEESM ne'e be lidera husi Secertario Geral Fretilin mos, la ses husi kritika. Balun hare liu ba oinsa bo'ot sira fahe poder no riku-soin ba malun. Balun fali dehan 'kritika-kriitika to'o la bele deit, entaun tenke monu ain para hetan netik doci pedasuk ruma.'

Dala ida tan, ita minimiza ita nia kapasidade de analiza, e redus buat bo'ot ida sai buat la vale.
Haluha tia dezenvolvimento fizico hirak ne'e be agora acontece dadaun iha Oecusse. Ponte ne'e be cria hodi hametin ligasaun populasaun husi fatin ida ba fatin seluk. Irigasaun nudar meios hodi aumenta produsaun agricultura, eletrisidade no buat seluk tan. Povo preciza maka nesesidade bazico, laos andar rua nulu.

Minimiza buat ne'e be bo'ot sai buat ida que la vale tamba deit ita nia tendencia politika, hakarak hatudu deit katak ita laiha capasidade suficiente hodi bele responde realidade politika ohin loron.

Presidente Lu-Olo, PR atual. Xanana Gusmao maka suporta, ne'e los. Laiha ema ida maka nega ida ne'e. Mas keta haluha katak Lu-Olo mos iha nia partidu rasik, tamba ne'e maka ho suporta husi Xanana Gusmao+CNRT, Lu-Olo manan iha primeira volta.

Balun interpreta suporta politica ida ne'e ho argumento oin-oin. 'So Xanana deit maka bele lori Lu ba Presidente.' Dala ida tan, haluha tia konsensu iha politica. Se Lu-Olo ho Fretilin preciza Xanana, iha parte hanesan politicamente Xanana mos preciza Lu-Olo ho Fretilin.

Hanesan mos Maun Xanana konvida PD no FM hodi hari AMP. Simples.

Jokowi atu sai Presidente Indonesia, nia tenke hakbesik a'an ba WIranto, Surya Paloh, no Sutiyoso. Halo konsensu ho sira para bele asegura cargo Presdente Republica.

Se tabele se? Politica ne'e iha nia arte rasik. Laiha lia fuan 'tabele ba malun iha politica.'

Se karik hanesan Maun TMR dehan 'Maun Xanana nia alin iha Timor ne'e maka nia deit ona, laiha tan seluk.' Ida ne'e mos karik meios de aproximasaun ida, para CNRT keta ho laran luak nomeia Maun TMR sai nudar PM. Se maka hatene?

Uluk Xanana Gusmao maka dudu nia ba Presidente da Republica. Agora mos nia 'hakarak Maun Xanana maka dudu nia'--dala ida tan--atu sai PM.

Agora, ida ne'e ita atu bolu 'Mau-Tabele.'?

Politica ne'e arte ida ema halo negocio, oinsa ita bele convense ita nia adversario para atu bele apar no mos aceita--mesmo laos buat hotu--ba ita nia prinisipio. Dala ruma ita tenke sacrifica ita nia interese pesoal para hodi bele akumula adversario nia interese.

Iha politica ne'e ita la bele manan hotu, maibe naran katak ita mos la bele lakon hotu.

Abraco

Politika maun alin hili malu halo Taur Matan At

Eis Presidente Taur mos konfia matemean katak nia "maun" Xanana sei entrega pasta Primeiru Ministro ba nia bele nia ho PLP manan iha eleisaun ka lakon.

Tuir blog Timor Agora, Taur dehan "Xanana dehan ona mai hau, sei laiha lideransa CNRT maka sai PM 2017". Taur garante ba ninia adeptu sira maske "partidu CNRT maka sei manan iha eleisaun parlamentar 2017 mai, maibe sei lai iha lidernsa husi CNRT maka sei sai Primeiru Ministru tamba Maun Xanana planeia tiha ona hodi  fo knar xefe governu ba nian alin maka Taur Matan Ruak."

Primeiru, Taur hatudu ona katak nia laos ema ida nebe kaer ba prinsipiu democraticos. Taur halo konfuzaun nafatin entre luta armada ba independensia ho konstrusaun estadu modernu. Evidentemente katak Taur pertense ba tempu luta armada nian. Nia laiha kapasidade atu kontribui ba konstrusaun nasaun demokratika enkuantu nia hili dalan "maun fo alin" atu manan poder. Iha nasaun demokratiku, povu mak hili, laos maun sira mak hili.

Politika hili malu mos mak hamosu KKN. Tanba maun fo ba alin sein iha prosesu ida legal, transparente, no demokratiku, sei laiha akuntabilidade ba ema ida. Alina iha deit akuntabilidade ba maun. Alin naok, maun mak responsabiliza. Dala barak maun taka matan deit tanba ne nia alin mak naok.

Taur nia konfiansa ba Xanana ne hanesan Taur nia mehi loromanas. Taur halo eror bot ida kuandu nia dehan Xanana (ho Alkatiri) ho Suharto hanesan deit. Xanana luta tinan 24 iha ailaran depois iha prizaun kontra Suharto. Xanana mos kontribui ba hamonu Suharto hodi lori demokrasia ba Indonsia. Taur ho ninia arrogancia atu hetan lalais poder nega hotu Xanana nia kontribuisaun ba luta ba ukun rasik an bainhira nia kompara Xanana ho Suharto. Xanana nia laran moras tebes tanba ema ida nebe nia konfia, ema ida nebe nia ajuda hodi manan kadeira presidente, ema ida nebe nia mentor to sai bot, fila sunu fali nia. Xanana nia konfiansa ba Taur laiha ona.

Xanana mos iha alin barak, nebe nia iha liu konfiansa. Nia alin ida mak Rui Araujo nebe agora kaer kargu PM. Nia alin ida tan mak Lu Olo, nebe agora presidente. Nia alin seluk mak Francisco Kalbuady, sekretario geral CNRT. Nia alin sira seluk agor sae daudauk tan iha CNRT, iha FRETILIN, iha sektor privado, iha fatin barbarak. Alin Taur agora maun laiha ona.CK

--